Í morgun var Saddam Hussein tekinn af lífi í umboði hinna viljugu og staðföstu. Þessi gamli grimmdarseggur og bandamaður Vesturvelda allt frá valdaráninu 1979 gekk loks fram af vinum sínum í vestri með innrásinni í Kúvæt árið 1990 því þar voru of miklir hagsmunir í veði. Þá hafði hann m.a. barist með vestrænum vopnum við Írani í 7 ár og reynt þjóðarmorð á Kúrdum með efnavopnum frá vinum sínum.

Sundurtætt Írak fær nú nýjan píslarvott. Saddam hefur breyst úr því að vera alþjóðlega hataður einræðisherra í kúguðu en þó þokkalega friðsömu landi í píslarvott og dýrling sinna manna í landi sem aldrei verður aftur eitt samhangandi ríki. Líklegast verður á næstu árum til Írak 1, 2 og 3, að mestu skipt eftir línum Kúrda, súnníta og shíta, en þó þannig að allir hlutarnir fá sína minnihlutahópa sem finnst gengið á rétt sinn og hefjast því handa við að útrýma andstæðingum, bæði raunverulegum og ímynduðum, með tilheyrandi hryðju- og skemmdarverkum og morðum á körlum, konum og börnum

Og þessi ósköp eru í sjálfsbyrgingshætti og hroka kölluð stríð gegn hryðjuverkum.

Nú er komið í ljós hver ber ábyrgð á slaka matinu frá S&P. Það var eins og venjulega hann Halli.
-Hann Halli?
-Já, hann viðskipta-Halli.

Lengi var búist við því að Carteret-eyjur undan strönd Nýju-Gíneu yrðu fyrstu byggðu eyjarnar til að hverfa í gin hafsins vegna hækkandi stöðu sjávar. Fyrst allra varð þó eyjan Lohachara í Bengalflóa en þar bjuggu eitt sinn 10.000 manns. Íbúar Lohachara og granneyjarinnar Ghoramara, sem er að miklu leyti farin í kaf, voru fluttir til eyjunnar Sagar. Þar búa nú 75.000 manns og hún er líka hægt og rólega að hverfa í hafið. Vanuatu-eyjaklasinn í Kyrrahafi er enn ofansjávar þótt byrjað sé að flytja íbúa þeirra sem lægst standa á brott. Og þetta er rétt að byrja…

Gleðileg jól!

23.12.2006

Jólaglöggið Grýla sýpur,
Gáttaþefur er með strípur,
það eru að koma jól…

Ég óska lesandanum gleðilegra jóla og vona að friður einkenni hátíðahaldið.

A POOR STANDARD?

22.12.2006

Standard & Poor’s hefur gefið út nýtt mat á lánshæfismati ríkissjóðs sem er í rökréttu framhaldi af viðvörun fyrirtækisins frá því í sumar. Æðstu menn Íslands segja þetta hins vegar vera ferlega óheppilegt og óvænt og nokkuð sem þeir hefðu helst viljað vera án.
Já, sannleikanum verður hver sárreiðastur og mikið væri nú gott ef hagfóturinn þyrfti ekki að reka sig á staðreyndir hér í aðdraganda kosninga. Eftir þær má syndaflóðið hins vegar koma.

Þessi uppskrift er fengin af ástralskri heimasíðu og hvetur áhugafólk um bakstur sko aldeilis til dáða!

You need:
1 cup water
1 cup sugar
4 large brown eggs
1 teaspoon salt
1 cup brown sugar
Lemon juice
Nuts
1 bottle of whisky

Method:
Sample the whisky to check for quality.

Take a large bowl. Check whisky again – just to be sure it’s the highest quality.

Turn on the electric mixer, beat one cup butter in a large bowl until fluffy. Add one teaspoon of sugar and beat again. Make sure the whisky is still ok.

Tune up the mixer. Beat two eggs and add to the bowl and chuck in the cup of dried fruit. Mix on the turner. If the dried fruit gets stuck in the beaters, pry it loose with a screwdriver. Sample the whisky again to check it hasn’t turned.

Next, sift two cups of salt. Now sift the lemon juice and strain your nuts. Add one table spoon of sugar. Grease the oven tray. Turn the cake tin to 350 degrees. Don’t forget to turn off the beater.

Check the whisky again and go to bed!

(Af http://www.abc.net.au)

Þættinum hefur borist bréf þar sem tilgreint er orðatiltækið ,,að bjóða einhverjum byrgið“. Kannast hlustendur við það eða vita hvaða merkingu það hefur? Er það eingöngu bundið við Suðurland eða þekkist það líka í öðrum landshlutum?
Í Íslenskri orðabók er orðið ,,byrgismaður“ tilgreint sem friðill og orðið ,,byrgisskapur“ sem saurlifnaður eða samfarir utan hjónabands. Eru þessi hugtök tengd fyrrnefndu orðatiltæki?

Á þessari mynd má sjá hóp brosandi barna sem umkringdu Heidi á strönd á suðurhluta Mahe-eyjar á Seychelleseyjum vorið 2004. Kannski eru einhver þeirra einmitt núna að læra á tölvur sem Íslendingar hafa safnað, komið til landsins og hjálpað skólayfirvöldum við að setja þær upp í barnaskólum landsins. Það er glæsilegt framtak sem vísar veg í alþjóðlegri þróunarhjálp. Vonandi verður framhald á þessu göfuga starfi sem hófst með einstaklingsframtaki eins og flest það sem til bóta horfir.

Það er alltaf gaman að því þegar fréttamenn leyfa sér að snúa smávegis upp á tungumálið í fréttaflutningi sínum. Nýjasta dæmið, sem kannski er þó á mörkunum, er að finna í vefútgáfu Vísis í dag. Þar er sagt frá nýrri handtöku vegna portkonumorðanna í Ipswich og segir meðal annars: ,,Lögregla telur óyggjandi að morðin tengist, enda nálíkar aðferðir…“
Nálíkar aðferðir?!

Oft er talað um sjálfhvert fólk í sjónvarpinu. Sjónvarpsfólkið tekur viðtöl hvert við annað, giftist innbyrðis og vitnar í bloggin hvert hjá öðru. Það nýjasta er að táknmyndirnar í krakkaveðurspánni eru alveg eins og veðurfréttamaðurinn í laginu.