Árgangurinn minn í MH

15.5.2006

Það var ánægjulegt að hitta gamla útskriftarárganginn sinn frá MH á laugardagskvöldið. Glatt og ljúft fólk, vissulega með nokkur ár á herðunum síðan stúdentskollan var sett upp en bros sem nær til augnanna bætir allt svoleiðis upp og meira en það. Sum nöfnin þurfi ég að hafa fyrir því að muna en það er bara eðlilegt.

Myndaserían hans Palla Guðjóns var snilld og gaman að sjá bæði gamla umhverfið sitt og fólkið sem mubleraði það. Júlía með sína þýðu röddu batt það svo allt saman í góða tilfinningu sem lifir lengi með okkur öllum.

Það verður stöðugt betra og betra að tilheyra stelpubekknum. Við Baldur áttum heima þar, hvað sem hver segir! Eini latínubekkurinn í sögu MH að því er ég best veit. Jóka var fjarri góðu gamni hérna megin en ég veit að það er ekki alveg rólegt í kringum hana, hvar sem sálin sú heldur sig í framhaldslífinu. Það verður gaman eftir fimm ár, það er ég viss um.

3 Responses to “Árgangurinn minn í MH”

  1. Greta Says:

    Hæ, hæ!
    ..og takk fyrir síðast!

    Tek undir hvert einasta orð sem þú segir þarna. Sammála því að Jóka er alveg örugglega á útopnu þarna í handanlífinu, sennilega hefur hún kíkt á okkur þarna á laugardagskvöldið, það er ég viss um.
    Það var æðislegt að fá þennan myndadisk, ég fór og horfði á hann strax morguninn eftir, jafnvel enn skemmtilegra en þarna um kvöldið. Maður ímyndaði sér bara Júlíu að flytja textann með, maður er líka með hann skrifaðan og getur rifjað upp og svo er maður auðvitað með sinn einkatexta til taks.
    Eurovisionparið stóð sig nú líka vel.
    Ég er líka strax farin að hlakka til eftir fimm ár, eins og þú!

    Kveðja, Greta.

  2. Greta Says:

    Jón Bö hefði nú sennilega gert athugasemd og bent mér á ofnotkun á einu orði ÞARNA…;O)

  3. Matti Says:

    🙂 


Lokað er á athugasemdir.

%d bloggurum líkar þetta: