40.000 óþekkt lík

24.3.2006

Bandarískir sakamálaþættir hefjast ósjaldan þannig að lík finnst og svo fara 43 mínútur (60 með auglýsingum) í að bera kennsl á líkið, finna nokkra sem gætu hafa haft ástæðu til að koma viðkomandi fyrir kattarnef og loks að fletta ofan af þeim seka.
En það er langur vegur frá því að það takist alltaf í raunheimum. Ég sá í kvöld viðtal við réttarmeinafræðing sem starfað hefur í t.d. Rúanda og á Balkan við að bera kennsl á lík úr þjóðarmorðaherferðum í þeim löndum. Nú er hún hins vegar sest að í Bandaríkjunum og hyggst taka til við það að bera kennsl á sem flest af þeim 40.000 óþekktu líkum sem þar hafa safnast fyrir í geymslum og gröfum á undanförnum 30 árum. Og fyrir hvert lík er heil fjölskylda sem syrgir, leitar og vonar…

2 Responses to “40.000 óþekkt lík”

  1. gudni Says:

    Þessi hluti Skavlands þáttarins rennur ugglaust seint úr minni þeirra er fylgdust með. Svona upplýsingar láta engan ósnortin. Nokkuð ljóst að áhorfið á þáttinn heldur sér vel fyrir ofan milljón andlit framan við skjáinn þegar boðið er upp á efni í þessum gæðaflokki.

  2. Matti Says:

    Og þá kemur mér í hug að vandinn er alveg á hinn veginn hér á Íslandi. Nokkrir tugi manna hafa horfið hér á 30 árum og enginn veit hvað um þá hefur orðið.


Lokað er á athugasemdir.

%d bloggurum líkar þetta: