HALLIBURTON WINS CONTRACT TO RECONSTRUCT CHENEY’S REPUTATION

At $42 Billion, Largest Contract of its Kind, Company Says.

The Halliburton Company announced today that it had won a $42 billion no-bid contract from the U.S. government to reconstruct the reputation of Vice President Dick Cheney.

Þarf að bæta einhverju við þetta netta spaug?

Í sumar spilar magnaðasta Pink Floyd koverband allra tíma í Egilshöll (hér hefðu ritsóðar sagt «stærsta»). Roger Waters spilar víst á bassa í því.

Króníka

16.2.2006

Okkur mönnunum er af einhverjum ástæðum mjög í mun að skrásetja líf okkar og tilveru (blogg er gott dæmi um það). Sumir skrifa dagbækur, aðrir veðurlýsingar og enn aðrir fjalla um hugðarefni sín og hvaðeina það sem þeim dettur í hug til þess að láta sín getið. Enn öðrum dugar að skrifa: „Kilroy was here“ eða skera fangamark sitt í tré. Þessi fjölskylda valdi allt aðra og athyglisverðari leið.

Nú geta Norðmenn tekið með bíl og fimm manns í honum fram og til baka til Danmerkur fyrir 9.500 íslenskar. Ef Íslendingar væru Norðmenn væru þeir allir í Danmörk.

Living in Hell

15.2.2006

Breski ljósmyndarinn Tom Hunter tekur uppstilltar ljósmyndir sem byggjast á fréttum og fyrirsögnum úr staðarblaðinu í Hackney þar sem hann býr. Allar hafa þær þó líka tilvísanir í málverk frá ýmsum tímum, bæði þekkt og óþekkt. Ég sá sýningu hans í British Museum um áramótin og þótti mikið til koma.

Enn á ný berast fréttir af skelfilegum pyndingum á írökskum föngum sem virðist hafa verið misþyrmt af einskærum kvalalosta. Á þessu bera allar viljugu ríkisstjórnirnar ábyrgð – og við Íslendingar líka. Eflaust syngja nú einhverjir: „Þetta gátum við ekki vitað.“ Sá söngur heyrðist víða um Þýskaland í lok síðari heimsstyrjaldar en þótti ekki mjög sannfærandi þá – ekki frekar en hann mun þykja nú á þeim slóðum þar sem Írakar eiga samúð þjóða.

Mótmælin gegn skrípamyndunum í JP eru ekkert annað en létt æfing fyrir þá mótmælaöldu sem á eftir að ríða yfir hina viljugu – og þar verða Íslendingar ekki undanskildir. Héðan í frá þýðir lítið fyrir Dani og Norðmenn að þykjast vera Íslendingar í Austurlöndum nær.

Í Mogga dagsins er skammast yfir því að orðið grýttur sé notað um það að vera stoned eða í vímu og einhver þýðandi hundskammaður fyrir. Ég vil bara minna á Bubba…
,,Vegurinn er grýttur, ég er grýttur,
það er rigning og mér líður vel.“

Eftir höfðinu dansa limirnir. Eitt af stóru vandamálum stríðsmanna er skothríð samherja og umfangsmikið hlutfall hermanna í Írak hefur fallið fyrir hendi samherja. En eftir höfðinu dansa limirnir og Dick Cheney, varaforseti og varayfirstjórnandi bandaríska hersins, skaut veiðifélaga sinn nýverið fyrir mistök. Eins oft gerist við friendly fire var ekki upplýst um málið strax 🙂

Ekki fylgir sögunni hvernig félaginn var klæddur en í Noregi er það talin góð leið til að losna við tengdamömmur að bjóða þeim á elgveiðar, skjóta elg og halda svo veiðiferðinni áfram með elgshornin bundin á bak tengdamömmunnar.

13. ágúst

12.2.2006

13. ágúst ár hvert er dagur örvhentra í Bandaríkjunum. Hægt er að kaupa alls konar hluti sem eru sérhannaðir handa örvhentum, t.d. skæri og klippur af öllu tagi, Windows-hnappaborð, tölvumús og yddara, eldhúsáhöld, handklæði og drykkjarkönnur. Það er líka bölvað að spila á venjuleg rétthent spil, á almennilegum spilum eru tákn í hverju horni.Þessi færsla er til þess að minna á að ekkert í heiminum er sjálfsagt fyrir örvhenta.

Hvíthöfða ernir

11.2.2006

Á Málbeininu er rætt um þýðinguna á Bold. Áþekk þýðingarvilla hefur riðið húsum hér á landi, líklega vegna Prúðuleikaranna sem spauguðu með tvíræðnina. Heiti hinnar amerísku arnartegundar „Bald Eagle“ er oft þýtt sem skallaörn og hefur sá misskilningur jafnvel ratað inn í orðabækur. Það sér þó hver maður sem vill að örninn er alls ekki sköllóttur heldur er hann hvítur á höfuð eins og enska orðið „Bald“ þýðir jú líka. Orðið þekkist reyndar í íslensku í þessari sömu merkingu en norðausturhluti Langjökuls heitir Baldjökull.