Diskólympíuleikunum lokið – Til hamingju, Svíþjóð!

26.2.2006

Þá er ÓL í Tórínó lokið með glæsibrag en undarlegur er hann þessi ítalski áhugi á diskótímabilinu. YMCA og I Will survive glumdu með miklum tilþrifum á lokaathöfninni og það var líka heilmikið diskó við setninguna. En athafnirnar voru glæsilegar og mikið sjónarspil með búningum og eldglæringum, tónlist og tilþrifum.
Norðmenn eru hundfúlir með árangur sinn á ÓL en Svíar himinlifandi, enda engin furða því ekki hafði verið gert ráð fyrir neinum stórvirkjum af þeirra hálfu. Gull í krullu kvenna, íshokkí karla og nokkrum skíðagreinum komu skemmtilega á óvart og full ástæða til að samfagna Svíunum eins og kóngur þeirra gerði svo eftir var tekið. Norðmenn hugga sig við að skíðaþjálfari Svía er norskur.

En meðal annarra orða, þarf ekki að koma vetrargreinum á borð við handbolta og körfubolta á vetrar-ÓL? Þar eiga þessa greinar heima og myndu líklega vekja meiri athygli heldur en í öllu fárinu á sumar-ÓL.

3 Responses to “Diskólympíuleikunum lokið – Til hamingju, Svíþjóð!”

  1. gudni Says:

    Sannaðu til. Það líða ekki margar vikur áður en norska pressan eignar sér og sínum allar verðlaunagripi Svía í Tórínó. En hvort það leysir kreppuna í norskum vetraríþróttum látum við ósagt um.

    An auðvitað stendur uppúr afrek K.A. Åmodt. Hans afrek verður seint slegið. En það sem er kanski skemmtilegast er að helsti verðlauanhafi Noregs á leikunum, Lars Bystöl frá Voss, átti ekki að fá að vera með í hópnum. Hann er nefninlega ekki fráhverfur flöskunni og nærturlífinu og var ekki í neinu uppáhaldi hjá skíðaforystunni í Noregi. En hann kom heim með eitt gull og tvö brons. Það var meira en nokkur annar Norsari.

  2. Matti Says:

    Åmodt er guð á skíðum.

  3. Sigurður Arnarson Says:

    Það mætti líka halda vatns-ÓL (ekki vatnsól) þar sem sundgreinarnar væru með öðrum vatnaíþróttum eins og skíðagöngu og ísdansi.


Lokað er á athugasemdir.

%d bloggurum líkar þetta: